काठमाडौँ । नेपाल स्टक एक्सचेञ्ज (नेप्से) परिसूचक १४. ०८ अंकले घटेर २ हजार ७१५ दशमलव ९१ मा झरेको छ । 

मंगलबार विभिन्न ३ सय १५ कम्पनीका १ करोड ६९ लाख १७ हजार ८ सय ३५ कित्ता शेयर। ९० हजार २ सय २ पटक खरिदबिक्री हुँदा ८ अर्ब ९१ करोड ९६ लाख ९७ हजार ७ सय ७५ रुपैयाँमा कारोबार भएका छन् । 

आज जलविद्युत् र अन्य उपसमूहबाहेक अन्य उपसमूह घटेको छ । आज जोशी हाइड्रोपावर डेभलपमेन्ट बैंकको नौ दशमलव ९८ प्रतिशत, मध्यभोटेकोशी जलविद्युत् कम्पनी लिमिटेडको आठ दशमलव २५ प्रतिशत, न्यादी हाइड्रोपावर लिमिटेडको आठ दशमलव १९ प्रतिशत, उपकार लघुवित्त वित्तीय संस्था लिमिटेडको आठ दशमलव १२ प्रतिशत र कालिका पावर कम्पनीको शेयर मूल्य आठ दशमलव ०५ प्रतिशतले बढेको छ ।

साथै आज कर्पोरेट डेभलपमेन्ट बैंक, ग्रीन डेभलपमेन्ट बैंक र सिन्धु विकास बैंकको शेयर मूल्यमा नकारात्मक सर्किट लागेको छ ।

आजको कारोबारपछि बजार पुँजीकरण  ४५ खर्ब ६ अर्ब १० करोड ९२ लाख ७ हजार ९ सय ६१ रुपैयाँ पुगेको छ ।