काठमाडौँ । केही दिनदेखि लगातार उकालो लागेको नेपाल स्टक एक्सचेञ्ज (नेप्से) परिसूचक आज भने घटेको छ । 

नेप्से परिसूचक आज ११ दशमलव १० अंकले घटेर २ हजार ६ सय ५४ दशमलव ३५ मा कायम भएको छ ।

आज ३ सय १८ कम्पनीको एक करोड ५१ लाख चार हजार ३३ कित्ता शेयर ८४ हजार सात पटक खरिदबिक्री हुँदा ७ अर्ब ८५ करोड ७७ लाख ९२ हजार ३ सय २६ रुपैयाँको कारोबार भएको हो । 

आज ८६ कम्पनीको शेयर मूल्य बढ्दा एक सय ४९ को घटेको  छभने आठ वटा कम्पनीको शेयर मूल्य स्थिर छ । सामुदायिक लघुवित्त वित्तीय संस्था, कर्पोरेट डेभलपमेन्ट बैंक र सिक्लेस हाइड्रोपावरको शेयर मूल्यमा सकारात्मक सर्किट लागेको छ । साथै सुपर मादी हाइड्रोपावर र मन्दाकिनी हाइड्रोपावरको शेयर मूल्यमा नकारात्मक सर्किट लागेको छ ।  

कारोबार रकमका आधारमा सप्तकोशी विकास बैंकको  ३० करोड ८९ लाख २९ हजार ६५ रुपैयाँ बराबरको शेयर किनबेच भएको छ । 

कारोबार भएका शेयर सङ्ख्याका आधारमा हाइड्रोइलेक्ट्रिसिटी इनभेष्टमेन्ट एण्ड डेभलपमेन्ट कम्पनी लिमिटेड प्रोमोटरको ५ लाख ७ हजार ३ सय ११ कित्ता शेयर खरिदबिक्री भएको छ ।