काठमाडौँ ।  नेपाल स्टक एक्सचेञ्ज (नेप्से)  परिसूचक आज पनि बढेको छ । 

नेप्से परिसूचक सोमबार ६ दशमलव ७८ अंकले बढेर २ हजार ६ सय ७ दशमलव ९९ को विन्दुमा कायम भएको हो ।

आज ३ सय ११ कम्पनीको १ करोड ३६ लाख ७७ हजार ९ सय ८३ कित्ता शेयर, ७४ हजार ४ सय ३ पटक खरिदबिक्री हुँदा ६ अर्ब ५७ करोड  ४ लाख ७७ हजार ८ सय ८६ रुप्रयाँ बराबरको कारोबार भएको छ ।

आजको कारोबारमा बैंकिङ समूह शून्य दशमलव २०, विकास बैंक शून्य दशमलव ६०, वित्त शून्य दशमलव ५३, जलविद्युत् शून्य दशमलव ०२ र लघुवित्त समूह शून्य दशमलव ०४ प्रतिशतले घटेको छ । अरु सबै समूहको उपसूचक बढेको छ । होटल तथा पर्यटन शून्य दशमलव १२, लगानी शून्य दशमलव ६०, जीवन बीमा शून्य दशमलव ०४, उत्पादन तथा प्रशोधन एक दशमलव ६८, म्युचुअल फन्ड शून्य दशमलव ०९, निर्जीवन बीमा शून्य दशमलव २३, व्यापार एक दशमलव ०६ र अन्य समूह दुई दशमलव १३ प्रतिशतले बढेको छ ।

आज मानुषी लघुवित्त वित्तीय संस्था लिमिटेडको शेयर मूल्यमा सबैभन्दा धेरै नौ दशमलव ०५  प्रतिशतको वृद्धि देखिएको छ । विन नेपाल लघुवित्त वित्तीय संस्था लिमिटेड र सुपर मादी हाइड्रोपावर लिमिटेडको शेयर मूल्यमा भने नकारात्मक सर्किट लागेको छ ।

कारोबार रकमका आधारमा आज सबैभन्दा धेरै रिभर फल्स पावर लिमिटेडको  २४ करोड १ लाख ८८ हजार ४ सय ४ रुपैयाँ बराबरको शेयर किनबेच भएको छ ।

सङ्ख्याका आधारमा भने सबैभन्दा धेरै हिमालयन पावर पार्टनर लिमिटेडको तीन लाख ७७ हजार ६ सय ४६ कित्ता शेयर कारोबार भएको छ ।