काठमाडौँ । मुलुकको दुई स्थानमा हुने उपनिर्वाचनमा चैत २४ गते उम्मेदवारी दर्ता गरिने भएको छ । 

इलाम क्षेत्र नम्बर २ र बझाङ प्रदेशसभा क्षेत्र नम्बर १ मा आगामी वैशाख १५ गते उपनिर्वाचन हुँदैछ । उपचुनावमा आउने चैत २४ उम्मेदवारी दर्ताको कार्यक्रम तय गरिएको निर्वाचन आयोगले जनाएको छ ।  आयोगका अनुसार उम्मेदवारको चैत २७ गते अन्तिम नामावली प्रकाशन गरेर  त्यही दिन निर्वाचन चिन्ह प्रदान गरिनेछ । उपनिर्वचनमा चैत २८ देखि वैशाख १२ गतेसम्म चुनाव प्रसार प्रसारको अवधि तोकिएको छ । वैशाख १५ गते मा बिहान ७ बजेदेखि बेलुकी ५ बजेसम्म मतदान हुनेछ ।

प्रतिनिधिसभा सदस्य रिक्त रहेको इलाम २ र प्रदेशभा खाली रहेको बझाङमा आयोगले आइतबार वैशाख १५ गते उपनिर्वाचन गर्ने निर्णय गरेको थियो । त्यसको भोलि पल्टै सोमबार उम्मेदवारी दर्ताको मिति तोकिएको हो । आयोगले उपनिर्वाचनमा सहभागी हुने पार्टीको लागि फागुन २४ देखि ३० गतेसम्म दल दर्ताको समय तोकेको छ ।