तनहुँ । शुक्लागण्डकी नगरपालिकामा मोटरसाइकल दुर्घटनामा एक जनाको मृत्यु भएको छ । दुर्घटनामा दुई जना घाइते भएका छन् । 

शुक्लागण्डकी नगरपालिका–४ गल्छिनामा बुधबार राति दुलेगौँडाबाट खैरेनीटारतर्फ आउँदै गरेको लु २४ प २२४७ नम्बरको मोटरसाइकल र खैरेनीटारबाट दुलेगौँडा जाँदै गरेको लु प्र ०१००१ प ५६६८ नम्बरको मोटरसाइकल ठोकिएको हो । 

दुर्घटनामा शुक्लागण्डकी नगरपालिका–३ कवासेका १९ वर्षीय रोमन लम्सालको मृत्यु भएको जिल्ला प्रहरीले जनाएको छ ।  मृतक लु प्र ०१००१ प ५६६८ नम्बरका चालक रहेको प्रहरी नायव उपरीक्षक अशोक थापाले जानकारी दिनुभयो । 

उहाँका अनुसार दुर्घटनामा अर्को मोटरसाइकलमा सवार २० वर्षीय सुशान आले र त्यही ठाउँका १९ वर्षीय निश्चल गुरुङ गम्भीर घाइते भएका छन् ।  घाइतेको पोखरास्थित गण्डकी मेडिकल कलेजमा उपचार भइरहेको प्रहरीले जनाएको छ ।