नेपालकैरन
काठमाडौँ । संसद् अधिवेशन आह्वान गरिए पनि विद्यालय शिक्षा विधेयक तत्काल पारित हुनेमा आन्दोलनरत शिक्षक आश्वस्त हुन सकेका छैनन् । शिक्षकको मागबमोजिम विधेयक पारित गर्न संसद् अधिवेशन बोलाइएको भन्दै सरकारले कार्यथलोमा फर्कन आग्रह गरे पनि शिक्षकले आन्दोलन जारी राखेका छन् ।
मन्त्रिपरिषद्को सिफारिसमा बुधबार राष्ट्रपति रामचन्द्र पौडेलले आगामी १२ गते दिउँसो १ बजेका लागि संघीय संसद्का दुवै सदनको अधिवेशन आह्वान गर्नुभउको छ ।
शिक्षामन्त्री विद्या भट्टराईले शिक्षकको माग सम्बोधन गर्न संसद् अधिवेशन बोलाएको बताउनुभयो । बुधबार भिडियो सन्देश जारी गर्दै उहाँले भन्नुभएको छ, ‘विधेयकलाई छिटो पारित गरियोस् भन्ने शिक्षकहरूको मागलाई सम्बोधन गर्दै बर्खे अधिवेशन आह्वान गरिएको छ । शिक्षकसँग संवादमा छौँ । मन्त्रालयका तर्फबाट सहजीकरण समिति निर्माण गरेर संवादमा लागेका डौँ’
यता, नेपाल शिक्षक महासंघले भने विधेयक तत्काल पारित हुनेमा आशंका गरेको छ । महासंघले शुरुवाती दिनमा प्रदर्शनमा सहभागी भएर फर्किसकेका शिक्षकलाई समेत निर्णायक आन्दोलन आवश्यक रहेको भन्दै पुनः फर्कन अपिल गरेको छ । शिक्षकहरूले बुधबार पनि काठमाडौँको माइतीघरदेखि बानेश्वरसम्म प्रदर्शन गरेका थिए । शिक्षकहरू २० चैतदेखि काठमाडौँकेन्द्रित सडक आन्दोलनमा छन् । उनीहरूले शैक्षिक हडताल आह्वान गरेको पनि एक साता नाघेको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- एमालेमा प्रतिनिधिलाई पेलेर सबै प्रतिवेदन पारित भएको घोषणा
- सामाजिक सञ्जाल बन्द गर्ने निर्णयविरुद्ध सर्वोच्च अदालतमा ९ रिट निवेदन दायर
- एमालेको नेतृत्वमा ओलीको विकल्प नभएको प्रतिवेदन पेश
- सामाजिक सञ्जाल बन्दविरुद्ध भोलि जेनजि पुस्ताको प्रदर्शन
- कांग्रेसले अकस्मात् किन बोलायो केन्द्रीय समिति बैठक ?
- एमाले महाधिवेशनमा आज प्रतिवेदनमाथि समूहगत छलफल हुँदै
- एमाले विधान महाधिवेशन : प्रतिनिधिको हातहातमा विद्या भण्डारीको पत्र
- पठनपाठन रोकेर काठमाडौँ ठप्प पार्ने निजी विद्यालयहरूको निर्णय
- एमाले विधान महाधिवेशनको तयारी पूरा
- ४ करोड ९ किलो सुनसहित समातिएका श्रेष्ठलाई राजश्वमा पठाइँदै