काठमाडौँ । सोमबार नेपाल स्टक एक्सचेञ्ज (नेप्से) परिसूचक र कारोबार दुवै घटेको छ । नेप्से सामान्य अंकले घटेको हो । 

नेप्से परिसूचक सोमबार ८ दशमलव ७५ अंकले घटेर २ हजार ६० दशमलव १५ को बिन्दुमा कायम भएको छ । समेबार  विभिन्न ३ सय ६ कम्पनीको १ करोड १८ लाख ९२ हजार ५ सय ५९ कित्ता शेयर १  लाख २ हजार ९  सय ५ पटक किनबेच हुँदा ४ अर्ब ४८ करोड ३९ लाख ८२ हजार ४ सय ६१ रुपैयाँ बराबरको कारोबार भएको छ ।
       
 सोमबारको कारोबारपछि बैंकिङ समूहको उपसूचक शून्य दशमलव ०१, विकास बैंक शून्य दशमलव १०, लगानी र उत्पादन तथा प्रशोधन समूह समान एक दशमलव ०७ र व्यापार समूह शून्य दशमलव ४५ अङ्कले बढेको छ । जलविद्युत् समूहको उपसूचकमा सबैभन्दा धेरै १ दशमलव ७२ प्रतिशतको कमी आएको छ  । 

 वित्त शून्य दशमलव ८०, होटल तथा पर्यटन १ दशमलव ६७, जीवन बीमा१  दशमलव ५८, लघुवित्त शून्य दशमलव १५, म्युचुअल फन्ड शून्य दशमलव ३१, निर्जीवन बीमा शून्य दशमलव ७५ र अन्य समूह शून्य दशमलव ३२ प्रतिशतले घटेको छ ।
       
सिइडिबी हाइड्रोपावर डेभलपमेन्ट कम्पनी लिमिटेड र चिर्खुवा हाइड्रोपावर लिमिटेडकोको शेयर मूल्यमा सकारात्मक सर्किट लागेको छ । सबैभन्दा धेरै गुमाउनेमा भने मोलुङ हाइड्रोपावर कम्पनीको शेयर मूल्य ८ दशमलव ०९ प्रतिशतले घटेको छ ।
       
सबैभन्दा धेरै शिवम् सिमेन्ट लिमिटेडको  २० करोड १३ लाख ७३ हजार ६ सय ६२ रुपैयाँ बराबरको कारोबार भएको छ । कारोबार भएका शेयर संख्याका आधारमा भने मोनापुर मिनरल्स एन्ड आयल लिमिटेडको ४ लाख ३७ हजार २७ कित्ता शेयर किनबेच भएको छ ।