काठमाडौँ । एनसेल शेयर बिक्री प्रकरण विश्वसनीय न्यायिक छानविन आयोग गठन गर्नुपर्ने लगायतको मागसहित प्रदर्शनमा उत्रिएका २२ जना पक्राउ छन् ।  शुक्रबार
माइतीघरमा धर्ना बसेका मानव अधिकार तथा शान्ति समाजका संस्थापक सभापति कृष्ण पहाडी लगायतलाई प्रहरीले पक्राउ गरेको हो । 

पक्राउ पर्नेमा पहाडीसहित समाजका सभापति रामकृष्ण बराल, सल्लाहकार उत्तम पुडासैनी, सचिवद्वय रामप्रसाद जोशी र चन्द्रमणी बञ्जारा, कोषाध्यक्ष किरण ढकाल, केन्द्रीय सदस्यहरु नम्रता खरेल र दिवाकर पुडासैनी र काठमाण्डौ शाखा सभापति भगवान पुडासैनी छन् । 

ललितपुर शाखा सभापति मनबहादुर थापा, अधिकारकर्मीहरु सानु लामा, उमा गौतम, बलबहादुर गाहा मगर, जगन्नाथ पुडासैनी, ईश्वर पुडासैनी, विकास थापा, तुलसीराम भण्डारी, मणिराम दाहाल, लक्ष्मण पुडासैनी, वुद्ध अनमोल, मोहीणीप्रसाद आचार्य, र आदर्श क्षेत्री पनि पक्राउ परेका छन् । 

पक्राउ परेकाहरुलाई प्रहरी वृत्त सिंहदरबारमा राखिएको छ । एनसेलको शेयर बिक्री हुँदा कर छली भएको घटनालाई समाजले महाघोटाला र राज्यविरुद्धको अपराध भन्दै प्रदर्शन गरेको हो । 

शान्ति समाजले शेयर बिक्री प्रकरणमा प्रधानमन्त्रीसहित विभिन्न राजनीतिक दलका शीर्ष नेताहरुकै संलग्नताको तथ्य बारम्बार प्रकाशमा आएको भन्दै विश्वसनीय न्यायिक छानविन आयोगको माग गर्दै आएको छ ।