नेपालकैरन
काठमाडौँ । बुद्धिष्ट इन्टरनेसनल ट्राभल मार्टको तेस्रो संस्करण आउने जेठ १० गतेदेखि हुने भएको छ ।
पर्यटन प्रवद्र्धन गर्ने उद्देश्यले नेपाल एशेसिशन अफ टुर एन्ड ट्राभल एजेन्ट्स (नाट्टा) ले मार्ट आयोजना गर्न लागेको हो । मार्टको उद्घाटन समारोह, अन्तरराष्ट्रिय सम्मेलन तथा प्रदर्शनी जेठ १० र ११ गते काठमाडौँमा हुनेछ । जेठ १२ गते लुम्बिनीमा बी–टू–बी सत्र, फार्म ट्रिप, नेटवर्किङ डिनर तथा समापन समारोह हुने नाट्टाले जनाएको छ ।
मार्टमा अन्तरराष्ट्रिय बौद्ध पर्यटनमा रुचि राख्ने १५० भन्दा बढी खरिदकर्ता (इन्टरनेसनल होस्टेड बायर्स) तथा ६० भन्दा बढी राष्ट्रिय तथा अन्तर्राष्ट्रिय बिक्रेताहरूको सहभागिता रहने अपेक्षा गरिएको छ । मार्टमा भारत, चीन, भूटान, म्यान्मार, थाइल्याण्ड, मलेसिया, श्रीलङ्कालगायत प्रमुख बौद्ध राष्ट्रबाट एक हजार १ सय भन्दा बढी आगन्तुकको उपस्थिति रहनेछ ।
बुधबार आयोजित पत्रकार सम्मेलनमा नेपाल पर्यटन बोर्डका प्रमुख कार्यकारी अधिकृत (सिइओ) दीपकराज जोशीले मार्टको माध्यमबाट नेपाललाई अन्तरराष्ट्रिय बौद्ध तीर्थ पर्यटन क्षेत्रमा प्रचारप्रसारका लागि टेवा पुग्ने विश्वास व्यक्त गर्नुभयो ।
उहाँले भन्नुभयो– ‘नेपालमा बौद्ध सम्पदाको प्रचुर सम्भावना छ, जुन विश्वभरिका करोडौँ मानिसहरूसँग भावनात्मक सम्बन्ध राख्दछ । बिआइटिएम २०२५ जस्तो कार्यक्रमले नेपाललाई अन्तर्राष्ट्रिय बौद्ध तीर्थ पर्यटन क्षेत्रमा प्रमुख स्थान दिलाउने विश्वास लिएको छु । यसले दीर्घकालीन पर्यटन प्रवर्द्धनमा सहयोग पु-याउनेछ ।’
मार्ट नेपालको धार्मिक पर्यटन, विशेषतः बौद्ध सम्पदाको प्रवर्द्धनका लागि एक ऐतिहासिक अवसर साबित हुने नाट्टाले विश्वास गरेको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- एमालेमा प्रतिनिधिलाई पेलेर सबै प्रतिवेदन पारित भएको घोषणा
- सामाजिक सञ्जाल बन्द गर्ने निर्णयविरुद्ध सर्वोच्च अदालतमा ९ रिट निवेदन दायर
- एमालेको नेतृत्वमा ओलीको विकल्प नभएको प्रतिवेदन पेश
- सामाजिक सञ्जाल बन्दविरुद्ध भोलि जेनजि पुस्ताको प्रदर्शन
- कांग्रेसले अकस्मात् किन बोलायो केन्द्रीय समिति बैठक ?
- एमाले महाधिवेशनमा आज प्रतिवेदनमाथि समूहगत छलफल हुँदै
- एमाले विधान महाधिवेशन : प्रतिनिधिको हातहातमा विद्या भण्डारीको पत्र
- पठनपाठन रोकेर काठमाडौँ ठप्प पार्ने निजी विद्यालयहरूको निर्णय
- एमाले विधान महाधिवेशनको तयारी पूरा
- ४ करोड ९ किलो सुनसहित समातिएका श्रेष्ठलाई राजश्वमा पठाइँदै