काठमाडौँ ।  सरकारले राष्ट्रपति समक्ष आर्थिक वर्ष २०८० र ८१ को वार्षिक प्रतिवेदन पेश गरेको छ ।वार्षिक प्रतिवेदन  प्रधानमन्त्री केपी शर्मा ओलीले राष्ट्रपति रामचन्द्र पौडेल समक्ष आइतबार प्रस्तुत गर्नुभएको हो । 

प्रधानमन्त्री ओली  शीतल निवास पुगेर राष्ट्रपति समक्ष  वर्ष २०८०र८१ को वार्षिक प्रतिवेदन प्रस्तुत गर्नुभएको हो । राष्ट्रपतिले प्रतिवेदन बुझ्‍दै  मुलुकमा दिगो शान्ति, सुशासन, सामाजिक न्याय, समनतामूलक समाज निर्माण एवं विकास र समृद्धिको संवैधानिक उदेश्य प्राप्‍त गर्न सकिने हुँदा त्यसतर्फ नेपाल सरकारको तदारूकता आवश्यक भएको बताउनुभयो।

उपलब्ध श्रोत साधन परिचालन गरी राज्यका निर्देशक सिद्धान्त, नीति तथा दायित्वको प्रभावकारी कार्यान्वयनबाट मात्र मुलुकमा दिगो शान्ति, सुशासन, सामाजिक न्याय, समनतामूलक समाज निर्माण एवं विकास र समृद्धिको संवैधानिक उदेश्य प्राप्‍त राष्ट्रपतिको भनाई छ । 

राष्ट्रपतिले नेपालको संविधानको मुलभूत मर्म र भावना एवं राज्यका निर्देशक सिद्धान्त, नीति तथा दायित्वसम्बन्धी संवैधानिक व्यवस्थालाई कार्यान्वयन गर्दै जानु पर्ने उल्लेख गर्नुभयो

आगामी दिनमा समेत नेपालको संविधानको मर्म र भावना बमोजिम राज्यका निर्देशक सिद्धान्त, नीति तथा दायित्व अनुसारका काम कारवाही क्रमिक र प्रभावकारी रूपमा कार्यान्वयन गर्न नेपाल सरकार अझ सक्रिय र क्रियाशील रहने विश्‍वास लिएको उहाँको भनाई छ ।