काठमाडौँँ । प्रधानमन्त्री केपी शर्मा ओलीलाई कडा प्रश्न गर्ने २ पत्रकारको संसद प्रवेश पास निलम्बन गरिएको छ । 

संघीय संसद सचिवालयले प्रधानमन्त्री ओलीलाई कडा प्रश्न गर्ने पत्रकारद्वय प्रकाश वली र र किशोरकुमार श्रेष्ठको संसद प्रवेश पास निलम्बन गरिएको हो ।

प्रधानमन्त्री ओली र सांसदहरूलाई प्रश्न गर्दा गलत शब्द प्रयोग गरेको भनेर उनीहरूले प्राप्त गरेका संसद प्रवेश पास निलम्बन गरिएको हो । उनीहरुको संसद प्रवेश पास महासचिव स्तरीय निर्णयबाट निलम्बन गरिएको हो । संसद सचिवालयले पत्रकारलाई रिर्पोटिङका लागि प्रवेश पास उपलब्ध गराउने गर्दछ । त्यही प्रवेश पास महासचिव स्तरीय निर्णयबाट निलम्बन गरिएको हो ।

संसद सचिवालयका प्रवक्ता एकराम गिरीका अनुसार एक महिनालाई संसद प्रवेश पास निलम्बन गरिएको छ । ‘पत्रकार आचारसंहिता, कार्यविधि र पालन गर्नुपर्ने नियम छन् । यसको उल्लघन गरेको कारणले उनीहरूलाई दिइएको संसद सचिवालयको कार्ड एक महिनाका लागि निलम्बन गरिएको हो’ उहाँले भन्नुभयो ।