काठमाडौंँ । राष्ट्रियसभा निर्वाचनसँगै पार्टीका आन्तरिक विषयमा छलफल गर्न  संसदको ठूलो दल नेपाली कांग्रेसले केन्द्रीय समिति बैठक आज बस्दैछ । 

केन्द्रीय समिति बैठक दिउँसो १ बजेदेखि पार्टी मुद्ययालय सानेपामा हुने कांग्रेसले जनाएको छ । १९ सांसदको लागि माघ ११ गते हुने राष्ट्रियसभा निर्वाचनमा कांग्रेसले ९ सिट जित्ने दाबी गरेको छ । कांग्रेसले सत्ता गठबन्धनमा पनि कांग्रेसले त्यही अनुसारको भागबण्डा खोजेको छ । 

कांग्रेसले राष्ट्रियसभा निर्वाचनको लागि उम्मेदवार सिफारिस गर्न प्रदेश कार्यसमितिलाई एक साताअघि नै सम्भावित उम्मेदवारको नाम पठाउन निर्देशन दिएको थियो । केन्द्रको निर्देशन अनुसार प्रदेश कार्यसमितिले सम्भावित उम्मेदवारको नाम पठाइसकेका छन् । आजको केन्द्रीय समिति बैठकमा प्रदेशले पठाएका सम्भावित उम्मेदवारबारे छलफल हुने नेताहरुले बताएका छन् ।