काठमाडौँ । काठमाडौँ उपत्यकामा आज हल्का वर्षा भइरहेको छ । मौसम पूर्वानुमान महाशाखाले शनिबार बिहानदेखि कोशी, बागमती र गण्डकी प्रदेशको थोरै स्थानमा हल्का वर्षा भइरहेको जनाएको छ ।

मौसम पूर्वानुमान महाशाखाका अनुसार देशको पहाडी भू–भागमा आज  बादलरही बाँकी केही ठाउँमा दिनभर नै हल्का वर्षा हुनेछ । सुदूरपश्चिम, कर्णाली र लुम्बिनी प्रदेश लगायत भू–भागका थोरै स्थानमा मेघगर्जन र चट्याङसहित वर्षाको सम्भावना रहेको छ । 

देशको उच्च पहाडी तथा हिमाली भू–भागका थोरै स्थानमा हिमपातको सम्भावना रहेको छ ।  हाल देशमा पश्चिमी तथा स्थानीय वायुको प्रभाव रहेको छ । यसका साथै अरब सागरबाट भित्री रहेको जलवाष्पयुक्त हावाको समेत प्रभाव रहेको पूर्वानुमान महाशाखाले जनाएको छ ।

हालसम्म देशव्यापी रहिरहेको तुवाँलो क्रमिक रूपमा कम हुने पूर्वानुमान महाशाखाले जनाएको छ