काठमाडौँ । पूर्वमन्त्री तथा राष्ट्रिय प्रजातन्त्र पार्टी (राप्रपा)का सांसद दीपक बोहराको निधन भएको छ । रुपन्देही क्षेत्र नम्बर ३ बाट प्रतिनिधिसभा सदस्य तथा राप्रपाका वरिष्ठ नेता बोहराको चावहीलस्थित ओम अस्पतालमा उपचारको क्रममा निधन भएको हो । 

लामो  समयदेखि पोस्ट कोभिड समस्याले ग्रस्त पूर्वमन्त्री बोहरोको  ७६ वर्षको उमेरमा आज निधन भएको स्वकीय सचिव तारामणि चन्दले जानकारी दिनुभएको छ ।

स्वकीयसचिव चन्दका अनुसार  राप्रपाका वरिष्ठ नेता बोहरा पोस्ट कोभिड समस्याले गर्दा अहिले बोल्न नसक्ने अवस्थामा हुनुहुन्थ्यो । उहाँ कोरोना महामारीको दोस्रो लहर (जेठ २०७७ जेठ )मा संक्रमित  हुनुभएको थियो । संक्रमणको ४, ५ महिनापछि बोहराको स्वर नै परिवर्तन भयो ।  धैरैपछि उपचारका लागि दिल्ली पुग्नु भएका बोहरालाई चिकित्सकहरूले पोष्ट कोभिडका कारणले घाँटीमा समस्या भएको बताए। समस्या थपिए झन् बढ्दै गएपछि  उहाँ उपचारको लागि अमेरिकाको न्यूयोर्क समेत पुग्नुभयो । त्यसपछि नियमित रुपमा स्पीच थेरापी गर्दै आउनुभएको छ । 

पोस्ट कोभिडकै  कारण उहाँको घाँटीमा क्यान्सर भयो । त्यसपछि उहाँ बोल्न नसक्ने अवस्थामा पुग्नुभयो । उहाँ बोल्न नसक्ने अवस्थामै  प्रतिनिधिसभा सदस्यमा निर्वाचित हुनुभएको हो ।