काठमाडौँ ।  विश्व बैंकले तेस्रो पुल सुधार तथा मर्मत कार्यक्रम कार्यान्वयन गर्न २० अर्ब ४० करोड रुपैयाँ सहयोग गर्ने भएको छ । 

बैंकको कार्यकारी निर्देशक बोर्डले १५ करोड अमेरिकी डलरको वित्तीय ‘प्याकेज’ आज स्वीकृत गरेको छ । यो सहायता रकम नेपालका रणनीतिक सडक सञ्जालमा निर्मित पुलको मर्मतसम्भार तथा सबलीकरणका निम्ति स्वीकृत गरिएको वासिङ्टन डिसीस्थित विश्व बैंकको प्रधानकार्यालयले जनाएको छ । 

नेपालको पुल प्रणालीले दुर्गम र शहरी समुदायको जीवन यापन, स्वास्थ्य सेवा, शिक्षा र आर्थिक अवसरका निम्ति वित्तीय सहयोगको प्याकेज स्वीकृत गरिएको  विश्व बैंकले जनाएको छ । 

बैंकका अनुसार अन्य आधारभूत सेवामा जोड्न महत्वपूर्ण भूमिका निर्वाह गर्दै आएका तथा बाढी, पहिरो र भूकम्पलगायत प्राकृतिक एवं जलवायुजन्य जोखिमले पुलजस्ता पूर्वाधारमा गम्भीर असर गर्ने भएकाले तिनको सबलीकरणका  लागि सहायता प्रदान गरिएको हो ।