काठमाडौँ । समाजवादी मोर्चाले आगामी चैत १५ गते गणतन्त्रको पक्षमा प्रदर्शन गर्ने भएको छ । पछिल्लो समयमा राजतन्त्रको पक्षमा मुलुकभर विशाल प्रदर्शन हुन थालेपछि त्यसको   प्रतिवादमा मोर्चाले आगामी चैत्र १५ गते काठमडौँमा गणतन्त्रको पक्षमा प्रदर्शन गर्ने निर्णय गरेको हो । 

मंगलबार बसेको समाजवादी मोर्चाको बैठकले यस्तो निर्णय लिएको हो । यसअघि समाजवादी मोर्चाले चैत्र २४ गते प्रदर्शन गर्ने कार्यक्रम तय गरेको थियो । तर, पछिल्लो परिस्थितिलाई ध्यानमा राख्दै चैत १५ गते नै उक्त कार्यक्रम गर्ने तय भएको मोर्चाका एक नेताले जानकारी दिनुभएको छ । 


त्यसअघि आगामी चैत १ गते वुद्धिजिवी र नागरिक समाजसँग परामर्श र छलफलको कार्यक्रम गर्ने तयारी गरिएको छ । सोही दिन दिउँसो ३ बजे पत्रकार सम्मेलनमार्फत् १५ गतेको कार्यक्रमका बारेमा जानकारी गराईने मोर्चाले जनाएको छ ।