काठमाडौँ । पर्याप्त वर्षा  नहुँदा काठमाडौँ उपत्यकाको आकाशमा डम्म बादल लगेको छ भने वायु प्रदूषण पनि बढेको छ ।

मौसम पूर्वानुमान माहाशाखाले स्थानीय वायुको प्रभाव र पश्चिमी न्यून चापीय प्रणालीको प्रभावका कारण वर्षा हुन नसकेको मौसमविद् विनु महर्जनले  बताउनुभयो । ‘मुलुकको केही भागमा हिमपात र हल्का मात्र वर्षा भएको छ, तर प्रदूषण हट्ने गरी वर्षा भएको छैन’ उहाँले भन्नुभयो– ‘अझै ३ दिन यस्तै हुने देखिन्छ ।’

‘एयर क्वालिटि इन्डेक्स’ का अनुसार आज काठमाडौँ विश्वको पाचौँ प्रदूषित शहरका रुपमा सुचीकृत भएको छ । आज यहाँको वायु प्रदूषण १ सय ६३ एक्युआई पुगेको छ । 

विश्वको सबैभन्दा बढी प्रदूषित शहररको रुपमा भियतनामको राजधानी हनोई शहर सूचीकृत भएको छ भने दोस्रोमा चीनको बेइजिङ परेको छ । तेस्रो प्रदूषित शहर बङ्गलादेशको ढाका तथा चौथो स्थानमा भारतको नयाँदिल्ली  रहेको छ ।