काठमाडौँ । शक्तिशाली मुलुक अमेरिकामा फेरि गोली काण्ड भएको छ । गोली लागेर ३ जनाको मृत्यु भएको छ ।  १ जना घाइते भएका छन् । 

संयुक्त राज्य अमेरिकाको जर्जिया राज्यको राजधानी एटलान्टामा शनिबार साँझ भएको गोलीकाण्ड भएको हो ।  एटलान्टा प्रहरी विभागले विज्ञप्तिमा जनाए अनुसार आक्रमणमा परेका २० वर्षीय तीनजना पुरुष घटनास्थलमा मृत फेला परेका थिए ।  अर्का एक जना घाइते अवस्थामा भेटिएका थिए । घाइतेलाई अस्पताल पुर्याइएको छ ।घटना लागुऔषध कारोबारसँग जोडिएको हुनसक्ने प्रहरीको प्रारम्भिक अनुसन्धानले देखाएको छ ।

मृतकको सनाखत हुन सकेको छैन ।  गोली प्रहारबारे अनुसन्धान भइरहेको सुरक्षास्रोतले जनाएको छ । गैरनाफामुखी अनुसन्धान समूह ुगन भाइलेन्स आर्काइभले जनाए अनुसार अमेरिकामा यस वर्ष डिसेम्बर ९ सम्ममा ६ सय ३४ जना सामूहिक गोली आक्रमणमा परेका छन् ।