काठमाडौँ । नेपाली कांग्रेसका प्रभावशाली नेता डा शेखर कोइरालाले मुलुका सबै भन्दा ठूला मिटरब्याजी बैंकहरु नै  भएको  आरोप लगाउनु भएको  छ। कांग्रेस नेता कोइरालाले चितवन काठमाडौं प्रजातान्त्रिक संगमले शनिबार काठमाडौंमा आयोजना गरेको कार्यक्रमका त्यस्तो आरोप लगाउनु भएको  हो । 

‘ब्यांकर्सहरु मसँग अलिकति रिसाउनु पनि भएको छ । मैले त भन्ने गर्याछु आजकाल, सबभन्दा ठूलो मिटरब्याजी त बैंकहरु भए ’ उहाँले भन्नुभयो,  ‘सबैचिज अप्ठ्यारो परिस्थितिबाट गइरहेको छ, आर्थिक कुरा गर्दाखेरि,’ डा। कोइरालाले भने, ‘तर बैंक फस्टाइरहेको छ, बोनस बाँडिरहेको छ, कसरी हुन्छ यो ?’

कांग्रेस नेता कोइरालाले सरकारले कृषिमा ५ प्रतिशतमा ऋण दिने निर्णय गरे पनि बैंकहरुले नदिने गरेको  कबताउनु  भयो ।  ‘तपाईंहरु जानुस्, चिनजान छ भने दिइहाल्छ बैंकले नत्र दिँदैन’ उहाँले भन्नुभयो, ‘१०र२० लाख, ५० लाख लोन लिन जानुस् दिँदैन बैंकले । तर एउटा अरबपतिले म कृषिमा लगानी गर्छु भनेर गयो भने तुरुन्तै दिन्छ ।’

नेता कोइरालाले चितवनमा कांग्रेसको अवस्था खस्किँदै गएको भन्दै चिन्ता व्यक्त गर्नुभएको छ  ।  ‘टोलमै कांग्रेस–कांग्रेसबीच बोलचालसमेत हुन छाडेको छ’  हाँले भन्नुभयो, ‘  ‘व्यक्तिवादी चरित्र यत्रो धेरै हावी भएको छ चितवनमा, एकदुसरालाई एसेप्ट नै नगर्ने हिसाबले अगाडि बढिरहेको छ । त्यो क्षेत्रको कुरा नगरौं, त्यो पालिकाहरुको कुरा नगरौं, वडाको कुरा नगरौं, टोलमा त्यो समस्या आइसक्या छ । एकदुसरासित बोलचाल छैन ।   हाम्रो कमीकमजोरीको कारण आज चितवन नेपाली कांग्रेसको हातबाट गइराखेको अवस्था छ.।’