काठमाडौँ ।  साता कारोबारको पहिलो दिन नेपाल स्टक एक्सचेन्ज (नेप्से) परिसूचकमा दोहोरो अंक  कमी आएको छ । 

आइतबार नेप्से परिसूचक ११ दशमलव ७८ अंकले घटेर एक हजार ९ सय ६० दशमलव ३० को बिन्दुमा कायम भएको छ । आज ३ सय ९ कम्पनीको ५५ लाख ७४ हजार २ सय ७ कित्ता शेयर, ४५ हजार ४ सय ४२ पटक खरिदबिक्री हुँदा २ अर्ब  ८ करोड २७ लाख ८६ हजार ८९ रुपैयाँ बराबरको कारोबार भएको छ ।

 होटल तथा पर्यटन समूह शून्य दशमलव ५४ र उत्पादन तथा प्रशोधन समूह शून्य दशमलव ६६ प्रतिशतले बढेका छन् । अरु सबै समूहको उपसूचक घटेको छ । सबैभन्दा धेरै व्यापार समूह दुई दशमलव ५२ र अन्य समूह एक दशमलव शून्य २ प्रतिशतले घटेको छ ।

आजको कारोबारपछि शेयर मूल्य बढेका कम्पनीहरुमा सबैभन्दा धेरै ग्लोबल आइएमइ लघुवित्त वित्तीय संस्था लिमिटेडको शेयर ९ दशमलव ७० र एनआईसी एसिया ग्रोथ फन्ड–२ को शेयर मूल्य ८ दशमलव ४५ प्रतिशतले बढेको छ । सबैभन्दा धेरै घट्नेमा भने चिर्खुवा हाइड्रोपावर लिमिटेडको शेयर मूल्य ७ दशमलव ४९ प्रतिशतले घटेको छ ।

कारोबार रकम र कारोबार भएका शेयर सङ्ख्याका आधारमा सबैभन्दा धेरै सोनापुर मिनरल्स एन्ड आयल लिमिटेडको  १३ करोड २० लाख ४९ हजार ५ सय ४० रुपैयाँ बराबरको २ लाख ९२ हजार ३ सय २६ कित्ता शेयर कारोबार भएको छ ।