काठमाडौँ । स्पानिस ला लिगामा बार्सिलोना बराबरीमा रोकिएको छ ।   भ्यालेन्सियाको मैदानमा भएको खेलमा बार्सिलोनाले भ्यालेन्सियासँग १, १ को बराबरी खेलेको छ । बार्सिलोनाले पहिले अग्रता लिएपनि जोगाउन नसक्दा अंक बाँड्नुपरेको हो ।

जाओ फेलिक्सले ५५औं मिनेटमा गोल गर्दै बार्सिलोनालाई अग्रता दिलाएका थिए । तर ७०औं मिनेटमा ह्युगो गुइलामोनले भ्यालेन्सियाको लागि बराबरी गोल गरे । १७ खेलबाट ३५ अंक जोडेर बार्सिलोना तेस्रो स्थानमा पुगेको  छ ।  एट्लेटिको मड्रिड एथ्लेटिक विल्वाओसँग २(० ले पराजित भएपछि बार्सिलोनालाई फाइदा पुगेको हो । 

बार्सिलोना शीर्ष स्थानको जिरोनाभन्दा ६ र दोस्रो स्थानको रियल मड्रिडभन्दा ४ अंकले पछि छ । दुवैले एक खेल कम खेलेका छन् ।  एट्लेटिको मड्रिड १६ खेलबाट ३४ अंकसहित चौथो स्थानमा छ । विल्वाओ १७ खेलबाट ३२ अंकसहित पाँचौ स्थानमा छ ।